6 май 2013ел: Нәҗибә Ихсанова щепкинчы сабакташлары, башка Камал театрының олы буын артистлары белән бергә Татарстан Президенты Рөстәм Миңнеханов белән күреште

Бүген Камал театры бинасында сугыш һәм хезмәт кырларында Җиңү көнен якынайтуга зур өлеш керткән татарстанлыларны хөрмәтләделәр. Алар арасында Советлар Союзы Геройлары Сабир Әхтәмов белән Борис Кузнецов та бар иде. Ветераннарны Бөек Җиңүнең 68 еллыгы белән котларга ТР Президенты Рөстәм Миңнеханов килгән иде. Тантаналы җыелышта шулай ук Дәүләт Советы рәисе Фәрит Мөхәммәтшин, Премьер-министр Илдар Халиков һ.б. дәрәҗәле кунаклар катнашты.

6 май 2013 ел: Бүген Казанның Искетатар бистәсе зиратында.

Тукай кабере янында

Камал театры труппасы һәм хезмәткәрләре һәр елдагыча үлгән артистларның каберләрен җыештырдылар. 

Рәшит Ваһапов фонды җырчының тууына 105 ел тулу уңаеннан аның кабере янында искә алу чарасы үткәрде.

Халыкара театр көне белән!

Бәйрәм белән!
Яшәсен татар театры!

2013 елның 7 мартында Казанда Галиәсгар Камал исемендәге Татар дәүләт академия театрында Татарстанның һәм Россиянең халык артисты, Габдулла Тукай исемендәге Дәүләт премиясе лауреаты Нәҗибә Ихсанованың юбилей кичәсе узды

Нәҗибә ханымны республика хөкүмәте җитәкчеләре, татар, башкорт, рус театрлары вәкилләре, якташлары, иҗатташ дуслары тәбрик итте. Татарстан Президенты Указы белән күренекле артистка республика алдындагы казанышлар өчен ордены белән бүләкләнде. Шул ук кичтә театрда тамашачыларга Нәҗибә Ихсанова катнашында драматург Туфан Миңнуллинның "Гөргөри киүяләре" спектакле күрсәтелде.